Afbeelding

Column: Mogelijk

Algemeen

De kraante hef ’t teengswoordig ma oaver één ding en ok de radio en tellevisie hebt ’t nargens aans oaver. Corona, gek wo’j der van. ’n Heel’n dag wo’j bestokt met coronanieuws, as ter gin nieuws is maakt ze wel nieuws. Zo gangs mu’j oe ofvroag’n wat nog woar is.

Ie kent het wel, ‘mogelijk’ is er dit joar nog een vaccin, ma veur ’t zelfde geld is det er pas volgend joar of ‘mogelijk’ kriege wie hemoal gin vaccin umdat ‘t geld op is. Of ‘t nieuws oaver tante Truus den ‘mogelijk’ besmet is umdat zie ‘mogelijk’ in anraking is ‘ewes met het knien van de buurman. Al det ‘mogelijke’ nieuws hangt mie zo gangs ’n haals uut.

Viroloog’n, ‘k heb nooit ‘eweet’n dat wie zovölle van die luu onder oons hadd’n. Loat ze asteblief ‘n vak goan leer’n, ie hebt ter niks an, ze zegt amoal wat aans. Volgens die luu is de coronacrisis veurbie, mogelijk veurbie of nog lange nie veurbie.

En dan ‘t negatieve nieuws, as wie nie oppast zit wie zo weer in ’n ekonomiesen crisis. Veurige wekke schreef de kraante dat het heel goed giet in ‘n bouw, der is nog wark zat en der mut de komm’de tied nog heel wat huuze ‘ebouwd won’n. Ma volgens de kraante is det ‘mogelijk’ met ’n joar bekekk’n en kriege wie te maak’n met ’n hoop warklooz’n en te weinig huuze. Doarumme kunt wie volgend joar ‘mogelijk’ gin drie keer op vekaansie. Al det negatieve nieuws is ’n crisis op zich, hemoal veur de luu die ziek bint of met de gevolgen van corona te maak’n hebt.

Holt toch op.
Volgens de ciefers van het RIVM mag wie bes wat positiever van oons ofkiek’n. ’t Zol mooi we’n as wie doar vedage nog met begint. Misschien volgt de kraante dan vanzelf. Mogelijk.

Doe ´t hènig an,

Jan Ebeltjes

Afbeelding
Hé notaris, verklaar 's! 1 uur geleden
Afbeelding
Column: Härte van oons dörpien: zîej hebt 't käts verknald 13 uur geleden
Afbeelding
'Van mijn kleinkinderen krijg ik veel inspiratie' 15 uur geleden
Afbeelding
De Paashaas op bezoek! 17 uur geleden
Afbeelding
ColumLicht balsemen 19 uur geleden
King Stage
Volledige line-up Dauwpop 2024 bekend: Donnie, The Horse Company en Michelle David & The True-Tones toegevoegd 19 uur geleden
Inwoners kunnen een bijdrage aanvragen om mee te kunnen doen met sport, cultuur, onderwijs en maatschappelijke activiteiten.
Meedoenregelingen: voor een extra steuntje in de rug 21 uur geleden
Afbeelding
Ontdek het avontuur: de ZorgSaam Reggedaltrail 23 uur geleden