Oldjoarsdag
Wach noe toch is è´m
met det nie´je joar,
´k heb zowat gin tied van lem´n
en ´t oale joar he´k nog nie kloar.
´k Had mie van alles veur´enömm´n,
´t zol dit joar völ better goan,
wat is ter van terechte kömm´n,
zovöl beloafd en nie ´edoan.
Wach noe toch is è´m,
doe ´t is hènig an,
'k mut 'n kroam eers an kaante hemm'n
veurda'k weer 'n joar verder kan.
Ma krieg ik op den lesten dag
al wat krom is wel weer rech?
En, in alle stoefte en gejag,
is 't wat weerd en is 't wel ech?
Wach è'm, loat komm'n det nie'je joar,
ik weet het: 'Belofte maakt schuld',
Ma 'k beloave betterschop, ech woar,
heb asteblief nog è'm geduld.
Jan